மலையேற்றம் ( Trekking )

பின்வரும் கண்ணை கவரும் காட்சிகள் இப்பாதையில் உள்ளன.

• சேலம் வனக்கோட்டம், சேர்வராயன் தெற்கு வனச்சரகத்திற்கு உட்பட்ட குரும்பப்பட்டி காப்புக்காடு பகுதியில் கொண்டப்பநாயக்கன்பட்டி அடிவாரம் முதல் குண்டூர் கிராமம் வரை குதிரைதடம் என்ற அழைக்கப்படும் மலையேற்றப்பாதையானது சுமார் 5 கிலோ மீட்டர் தூரத்திற்கு 10 கொண்டைஊசி வளைவுகளுடன் இயற்கை அழகுடன் அமைந்துள்ளது.
• இப்பாதை முழுவதும் காப்புக்காடு வழியாகவே (Reserved Forest) செல்வதனால் இருபுறமும் பசுமை நிறைந்த மரங்களுடன் பூத்து குலுங்கும் மூங்கில்கள், மருத்துவ குணம் நிறைந்த தாவரங்கள் மற்றும் நீரோடை சத்தங்கள், பறவைகளின் ரிங்காரத்துடன் ஓர் இயற்கையான பாதையாக அமைந்துள்ளது.
• காட்டுமாடு, காட்டுப்பன்றி, புள்ளிமான், சருகுமான், கேளை ஆடு, காட்டுமுயல், கீரிப்பிள்ளை, காட்டுக்கோழி, உடும்பு, மயில், மலைப்பாம்பு போன்ற வன உயிரினங்கள் அதிகமாக தென்படுகின்ற வாய்ப்புகள் உள்ளது.
• இயற்கையாகவே ஓர் பெரிய பாறையின் அமைப்பு யானையின் உருவத்தில் அமைந்து ஆச்சரியத்தை ஏற்படுத்தும் வகையில் அமைந்துள்ளது.
• கண்ணை கவரும் வகையில் இரண்டு காட்சி முனைகள் (View Point) அமைந்துள்ளது.